Friday, July 30, 2010

အမေ့အိမ်...သို့ အိမ်လွမ်းသူ (၂)

အမေ့ရဲ့ စက်ချုပ်ခန်းလေးအကြောင်းကို မပြောခင် အမေ ဘယ်လိုစက်ချုပ်တတ်ခဲ့လဲဆိုတာ အရင်ပြောချင်ပါတယ်။
ပြီးမှ အမေ ဘာတွေချုပ်လဲ၊ အဲဒါတွေကို ဘယ်လိုချုပ်ဖြစ်သွားတာလဲ၊ စက်ချုပ်တာနဲ့တွဲရက် တခြားဘာတွေလုပ်တတ်သေးလဲဆိုတာကို ပြောပြမယ်လေ...
(ဒါမှ ဖတ်လို့ကောင်းမှာပေါ့... “ဟုတ်တယ်နော်” >>> “ဟုတ်ပါတယ်”)

စက်ချုပ်တဲ့အကြောင်းပြောတော့မယ်ဆိုရင်ဖြင့် အစ်မအကြီးဆုံးအကြောင်းက ပါရတော့မှာ။
ကျနော့်အစ်မအကြီးဆုံးက ကျောင်းစာဖက်ကို သိပ်မထူးချွှန်ဘူးခင်ဗျ။
အဖေကြီးက သားသမီးတွေရဲ့ ရှေ့ရေးကို စီမံတဲ့နေရာမှာ (နံပါတ်တစ်တော့မဟုတ်ပေမဲ့) တကယ်တော်ပါတယ်။
အဖေဟာ အစ်မကြီးကို ၇တန်းကျောင်းသူဘဝလောက်ကတည်းက နွေရာသီကျောင်းပိတ်ရက်ဆိုရင် သူ့သူငယ်ချင်းညီမတွေရဲ့ စက်ချုပ်ဆိုင်ကို ပို့ထားတတ်တာ။

စက်ဆိုင်က အိမ်ပါပဲ၊ အောက်၁ထပ်လုံးက စက်ဆိုင်နဲ့ မီးဖိုချောင်ဖြစ်ပြီး၊ အပေါ်၁ထပ်မှာတော့ လူနေတာပါ။
အစ်မက အဲဒိစက်ဆိုင်မှာနေတာ တနေကုန်ပဲ၊ တစ်ချို့ရက်တွေဆို ညပါအိပ်ပြီးနေလိုက်တာ။
အစကတော့...စာမတော်ပေမဲ့ အဆော့တော်တဲ့ ကျနော့်အစ်မကြီးဟာ ဘယ်သွားချင်ရှာမလဲ။
ဒါပေမယ့် ပထမဆုံး ၁ရက်ပါပဲ၊ နောက်ပိုင်းရက်တွေဆို အချိန်ကိုမှန်လို့။ အကြောင်းကတော့...
----------------------------------------------------------------------
အဲဒိ အိမ်မှာက မိန်းမတွေကြီးပဲ။
အိမ်သားအပျိုကြီး၂ယောက်+သူတို့သူငယ်ချင်းနောက်ထပ်အပျိုကြီး၃ယောက်+ကျနော့်အစ်မအပျိုပေါက်+တောက်တိုမယ်ရခိုင်းဖို့ ခေါ်ထားတဲ့ ကောင်မလေးက၂ယောက်+နောက်ပြီး အစ်မခေါ်သွားတဲ့ အစ်မရဲ့ အချစ်ဆုံး သူငယ်ချင်း၁ယောက်။
(ကျွန်တော် ပေါင်းမပြတော့ဘူးနော်:))

အပျိုကြီးတွေကလဲ အစ်မကို တော်တော်ချစ်ကြတယ်။
သူတို့တွေက သဘောကောင်း၊ စကားများ၊ အသံလည်းကျယ်၊ ပေါက်တတ်ကရတွေကလည်းပြောတတ်သလားမမေးနဲ့။
စားကြသောက်ကြတော့လည်း ကြည့်အုံး!
ရန်ကုန်တမြို့လုံး ဘယ်ဆိုင်က ဘာကောင်းတယ်ဆိုတာ ရန်ကုန်လမ်းညွှန်ထက် သူတို့ကသာ အမှန်အကန်ညွှန်မှာ။
အော်... ဒါတွေကြောင့်လည်း ငါ့အစ်မကြီး ပျော်ရှာပေသကိုး...

နာမည်ကြီး စက်ဆိုင်ဆိုတော့ကာ... ပိုက်ဆံပေါပေါများများရနေတဲ့သူတွေရဲ့ မိန်းမနဲ့သမီးတွေ၊ အနုပညာသည်တွေ လာချုပ်ကြတာများတယ်။
ကဲ ဒီတော့ကာ....
♫..သူများအကြောင်းလဲ မပြောတတ်ပါ၊ စပ်မိစပ်ရာ ကွိစိကွစ..♫
----------------------------------------------------------------------
အိမ်မှာ ကျန်နေတဲ့ ကျနော်တို့မောင်နှမ၂ယောက်(အစ်ကို အကြီးဆုံးကလွဲလို့) အစ်မပြန်လာအိပ်တဲ့ရက်ဆို သူ့အနားမှာ ပတ်လည်ဝိုင်းထိုင်၊ အစ်မကလည်း မှတ်သားလာသမျှပေါက်တတ်ကရအကုန် သူရဲ့ ဟာသဥာဏ်နဲ့ ထပ်မံဖြည့်စွက်...
(မှတ်ရန်... သူသည် စာပဲမတော်တာပါ)
အဲဒိညဟာ အဖေကြီးဆီက alarm မြည်မှသာအိပ်ဖြစ်ကြသောညပါ။
ကျနော်ဆို သဘောကျလွန်းလို့၊ အိမ်မက်ထဲအထိကို ရယ်နေတော့တာ...

အစ်မဟာ ဘွဲ့၁ခု ရပြီးတဲ့နောက်၊ စက်ချုပ်တဲ့အလုပ်ကိုပဲ ဆက်လုပ်ဖြစ်ပါတယ်။
ကဲ ဒီလိုနဲ့ပဲ... ကျောင်းနေပျော်၍ စာတော်သွားတဲ့ ကျနော့်အစ်မတစ်ယောက် designer
(အဝတ်အစားတွေကို ပုံစံအသစ်အဆန်းလေးတွေထွင်၊ ညှပ်၊ ချုပ်တဲ့ လူပေါ့ဗျာ) ဖြစ်လာခဲ့သည်ပေါ့။
အဖေကြီးရဲ့ အစီအမံတွေကြောင့်ပဲ အစ်မအကြီးဆုံးက designer ဖြစ်လာခဲ့တာ။
ခုဆိုရင် အစ်မဟာ ကွယ်လွန်သွားပြီဖြစ်တဲ့ အဖေကြီးကို ကျေးဇူးအရမ်းတင်တဲ့အကြောင်း ကြုံကြိုက်တိုင်း ပြောနေတော့တာပဲ။
----------------------------------------------------------------------
ကဲ အမေကြီး အကြောင်းဆက်မယ်...
အစ်မက အပြင်မှာသာ designerပါ၊ အိမ်ရောက်ရင်တော့ စက်နဲ့သူနဲ့က သူစိမ်းပြင်ပြင်ပါပဲ။
အိမ်ရဲ့အသုံးအဆောင်တွေနဲ့ အစုတ်အပြဲချုပ်တာတွေအားလုံးဟာ အမေကြီးရဲ့ လက်ရာတွေသာ ဖြစ်ပါတယ်။
တကယ်တော့ အမေကြီး အရင်တုန်းက စက်မချုပ်တတ်ပါဘူး။
အိမ်မှာ လိုလိုမယ်မယ် ဝယ်ထားတဲ့ စက်၁လုံးနဲ့ ကြုံရင်ကြုံသလို၊ မကြုံလဲ ကြုံအောင် ချုပ်တတ်တဲ့ အမေကြီးဟာ ချုပ်ရိုးလေးတွေ ဖြောင့်စင်းနေအောင်ကို ချုပ်တတ်သွားပါပြီ။

မျိုးရိုးလိုက်တယ်ပဲ ဆိုရမယ်။
အမေကြီးရဲ့အမေ (ကျွန်တော့်အဖွား)လဲ သင်ပေးတဲ့လူမရှိပဲ စက်ချုပ်တတ်ခဲ့တာ။ အမေကြီးတို့ညီအစ်မ၂ယောက်ဆို အဖွားလက်ရာတွေပဲ ဝတ်လာခဲ့ရတာတဲ့။
အခု ကျနော့်အမေလဲ ဒီလိုပဲ။ ဟိုဟာလေးချုပ်ကြည့်၊ ဒီဟာလေးချုပ်ကြည့်နဲ့...နောက်တော့ သူ့အဝတ်အစား သူ့ဟာသူပဲ ချုပ်ဝတ်တော့တာ။
အမေကြီးက သူ့မွေးနေ့ရောက်ခါနီးရင် အနီးအနားက ခင်ရာမင်ရာ ကလေးပေါက်စနလေးတွေကို အိမ်ခေါ်၊ သူတို့ကိုယ်တိုင်းလေးတွေယူပြီး အဝတ်အစားတွေ ချုပ်ပေးတတ်သေးတယ်။ သူတို့ကလည်း အမေကြီးချုပ်ပေးတာတွေဆို သိပ်ကြိုက်ကြတာ။ ဒီလိုနဲ့ နှစ်တိုင်း အမေကြီးမွေးနေ့ရောက်ခါနီးပြီဆို သူတို့လေးတွေက “အဖွား ဘယ်နေ့လာရတော့မှာလဲ”လို့ လာလာမေးကြတာကို လွမ်းမိသေးတယ်။

(ဒီအကြောင်းလေးပြောမိတော့ ကျနော်လည်း သူတို့အတွက် ၁နှစ်၁ခါ လုပ်ပေးဖြစ်တာလေးရှိတာကို သတိရသွားတယ်...
အဲဒိကလေးတွေက ကျနော့်အသည်းကျော်တွေလေ။ သူတို့ကလဲ ကျနော့်ကို သိပ်ချစ်ကြတယ်။
ကျနော်လုပ်ပေးတာကတော့ သင်္ကြန်ရောက်တိုင်း သူတို့လေးတွေကို မုန့်ဖိုးပေးတယ်၊ ဆံပင်ဆေးဆိုးပေးတယ်။ ချစ်စရာလေးတွေဖြစ်အောင် ဆိုးပေးတာပါ။ သူတို့ကလဲ သဘောကျမှကျ။)

တစ်နေ့မှာတော့... လမ်းထိပ်အိမ်က တရုတ်မကြီးအလှူမှာသုံးထားတဲ့ လိုက်ကာတွေကို ကြည့်လာပြီး၊ အမေ့မှာ အကြံအကြီးကြီးဖြစ်လာပါတော့တယ်။
အဲဒိမှာ စတွေ့တာပါပဲ...
----------------------------------------------------------------------
တရုတ်မကြီးအိမ်မှာ အမေတွေ့ခဲ့တဲ့လိုက်ကာတွေက ပိတ်စလေးတွေကို ပုံစံဖော်ညှပ်၊ ပြီးရင် ကိုယ်လိုချင်တဲ့ designပေါ်အောင် အရောင်လေးတွေ အစင်လေးတွေကို စပ်ချုပ်ထားတာပါ။
အဲဒိညမှာပါပဲ...အမေကြီးက "သမီးတို့ စက်ဆိုင်က ဖြတ်စတွေ ဘာလုပ်လိုက်ကြလဲ၊ ရောင်းတယ်ဆိုရင်လဲ အမေဝယ်ချင်တယ်" ဖြစ်ရော။
နောက်နေ့ အစ်မစက်ဆိုင်သွားတော့ အမေကြီးလဲ လိုက်သွားပါတယ်။
နေ့လည်ခင်း ထမင်းစားခါနီး ပြန်ရောက်လာတယ်။
အငှားကားနဲ့အတူ မြွေရေခွံအိတ်အဖြူအကြီးကြီးတွေနဲ့ ဖြတ်စတွေကို သယ်လာခဲ့တာပါ။
ကဲ..."ဒါတွေကို လိုက်ကာတွေလုပ်တော့မယ်ပေါ့"ဆိုတော့..."လိုက်ကာတင် ဘယ်ဟုတ်မလဲ၊ ပိတ်ကားပေါ်က စောင့်ကြည့်ပါတဲ့"...
----------------------------------------------------------------------
မြွေရေခွံအိတ်တွေနဲ့ သယ်လာတဲ့ ပိတ်စတွေကို စီမံပါတော့တယ်...
မှတ်မိသလောက် စုစုပေါင်း၆အိတ်လောက်ရှိမယ်။ ဖြတ်စအကြီးစတွေနဲ့ အသေးစတွေကို သပ်သပ်ပြန်ခွဲထုတ်တယ်။
ပြီးရင် ပိတ်စအမျိုးအစားအလိုက်(အထူစ၊ အပါးစ၊ ဇာစတွေ) အထုပ်တွေ labelတပ်ပြီး နောက်ဆုံး ထုပ်ပိုးပါတယ်။
ဒါတွေကို နေ့လည်ထမင်းစားပြီး တအောင့်နားပြီးတဲ့နောက် အမေတစ်ယောက်တည်း(သို့)ကျနော်အိမ်မှာရှိရင်လဲ သားအမိ၂ယောက် နောက်ဖေးက မီးဖိုချောင်နဲ့တွဲလျက် အမေ့စက်ခန်းထဲမှာ အတူတူလုပ်ကြတယ်။

တကယ်တော့ ဒီဖြတ်စတွေဟာ အင်မတန် အမှိုက်ရှုပ်မယ့်ဟာတွေပါ။
ဒီအမှိုက်တွေကိုရှင်းဖို့ တာဝန်ယူတာကတော့ ကျနော်ပေါ့ဗျာ။
ဘယ်သူမှ ပေးတဲ့တာဝန်တော့မဟုတ်ပါဘူး။
အိမ်မှာ အမှိုက်ရှုပ်နေရင် ခေါင်းကိုက်သလိုလို၊ အကြောတက်သလိုလို ဖြစ်တတ်တာ ကျနော်ပါပဲ။
ဒါကြောင့် အိမ်ဆို ရှင်းလင်းနေမှ သဘောကျတဲ့ကျနော်၊ အမေ့ဖြတ်စတွေအတွက် အလုပ်တစ်ခုထပ်ရလိုက်တာပါပဲ။
ဒီလိုနဲ့ပဲ... သားလက်ရာ အမေ့စက်ချုပ်ခန်းလေးဖြစ်လာရသည်ပေါ့ဗျာ...
(ဒီမှာ ခဏရပ်ပါရစေ...ကိစ္စလေးတွေပေါ်လာလို့)

Friday, July 23, 2010

"အမေ့အိမ်...သို့ အိမ်လွမ်းသူ"

"အမေ+အိမ် = အမေ့အိမ် (သို့) အမေရှိနေတဲ့အိမ်"

အမေ့အိမ်ကို လွမ်းတယ်ဗျာ...
ဒီအိမ်လေးမှာ အမေနဲ့ တဝကြီး(ဘယ်တော့မှလဲ ဝမှာမဟုတ်ပါဘူး) ပြန်နေချင်သေးတယ်...
အေးချမ်းနွေးထွေးမှုတွေအပြည့်ရှိတဲ့ အမေရှိနေတဲ့ဒီနေရာကို ကျွန်တော် အရမ်းကိုခင်တွယ်ပြီး၊ အရမ်းကိုလွမ်းပါတယ်ဗျာ...
ကျွန်တော်ဟာ အလွမ်းတွေကို တော်ရုံနဲ့တော့ ဖက်တွယ်မထားတတ်ပါဘူး၊ လွမ်းရမယ့်အရာတွေဆို အတတ်နိုင်ဆုံး ရှောင်တယ်၊ ကြိုးစားပြီး မေ့ပစ်တယ်။

ဒါပေမယ့် အိမ်အလွမ်းတွေကတော့ ထုတ်ပစ်လို့လဲ မရဘူး၊ ရင်ထဲမှာ ပြည့်ကျပ်နေတာပဲ။
လွမ်းတယ်ဆိုတာ ဂုဏ်ရှိတဲ့ အလုပ်လို့ စာအုပ်တစ်အုပ်ထဲမှာတော့ ဖတ်ဖူးခဲ့တယ်။
အခု ကျွန်တော် အိမ်ကို လွမ်းနေသလိုမျိုး ဖြစ်ကောင်းဖြစ်နိုင်ပါရဲ့...
အမေရယ်၊ အမေ့အိမ်ရယ်၊ အမေ့အိမ်ပတ်ဝန်းကျင်အကြောင်းတွေရယ်ကို အလွမ်းပြေသဘောမျိုးနဲ့ ပြောပြချင်နေမိတယ်...
ဒါကြောင့် ကျွန်တော့်blogရဲ့ ပထဆုံးဒီpostမှာ ကျွန်တော့်ရဲ့ အိမ်အလွမ်းတွေကို အန်ထုတ်ပါရစေတော့...
----------------------------------------
ကျွန်တော်က ဇူလိုင်လဖွားပါ။
"ဒီကောင်ကွာ...CANCER ဖွားလို့ မပြောရဘူး၊ အိမ်ထဲမှာပဲ အောင်းတဲ့ တွင်းအောင်းသတ္တဝါ"လို့
ဆွေမျိုးတွေ၊ သူငယ်ချင်းတွေက ထောပနာပြုလေ့ရှိတယ်...
ကျွန်တော်ကလည်း ကျွန်တော်ပဲ၊ အိမ်မှာနေရတာကို အရမ်းနှစ်သက်တယ်။
အထူးသဖြင့် အမေရှိနေတဲ့ အိမ်မှာပေါ့၊ အိမ်မှာ အမေရှိမနေတာသိရင်တော့ အိမ်မပြန်ချင်ပါဘူး။ (ဝန်ခံချက်...ကျွန်တော်ဟာ အမေ့သားပါ။)
အခုတော့ဗျာ... အရမ်းချစ်ရတဲ့ အမေရှိတဲ့အိမ်ကို ခွဲနေရတာ ဒီလမှာ ၆နှစ်တောင်ပြည့်သွားခဲ့ပြီ။
----------------------------------------
၁နှစ် ၁ခေါက်တော့ အမေ့အိမ်ကို ပြန်ဖြစ်ပါတယ်၊ ဒါပေမယ့် အားမရပါဘူးဗျာ...

ကျွန်တော့်မှာ အဖေမရှိတော့ဘူး။ ကျွန်တော့်အမေကလဲ အသက်တော်တော်ကြီးပြီ။
မိဘဆိုတာ အသက်ထင်ရှားရှိတုန်း လုပ်ကျွေးရတယ်ဆိုတာကို အမြဲ သတိကပ်ထားပါတယ်။ အမေဘာလိုမလဲပဲ တွေးပြီး ရသမျှအချိန်တိုင်း ဂရုတစိုက်နဲ့ လုပ်ပေးချင်မိတာပါ။
ကျွန်တော်တို့လို အဝေးရောက်သားသမီးတွေအဖို့ ကိုယ်ထိလက်ရောက် ပြုစုဖို့ဆိုတဲ့ အခွင့်အလမ်းကလဲ နည်းပါးပါတယ်။ ဒါကြောင့် ခွင့်ပြန်တုန်းလေး အမေ့အတွက်ပဲ အချိန်ကို သုံးလိုက်ချင်တာ။

သိကြတဲ့အတိုင်း... မြန်မာပြည်ပြန်ပြီဆိုတာနဲ့ ခင်ရာမင်ရာတွေက လာတွေ့ကြ၊ သွားတွေ့ရနဲ့ အမေ့အနားမှာ နေရတယ်လို့ကို မရှိဘူး။
ကျွန်တော့်ရဲ့ထုံးစံအတိုင်း... အပြင်သွားလဲ စိတ်က အိမ်မှာကျန်နေခဲ့တာဆိုတော့၊ ဘယ်တော့ အိမ်ပြန်လို့ရမလဲပဲ ချောင်းနေတော့တာ...
သူငယ်ချင်းတွေကိုလဲ အိမ်မှာပဲ တွေ့ကြမယ်ကွာ၊ စားချင်တာ ဝယ်ကျွေးပါ့မယ်ချည်း လုပ်နေတော့ "မင်းကွာ အခုထိ တွင်းအောင်ချင်နေတုန်း"တဲ့။
"အောင်းချင်တာပေါ့ သူငယ်ချင်းတို့ရာ... မင်းတို့လဲ ရပ်ဝေးမြေခြားမှာ အမေ့အိမ်နဲ့ ခွဲနေရရင် ငါ့ကို ကိုယ်ချင်းစာနိုင်မှာပါ"လို့ပဲ အားနာနာနဲ့ ပြန်ပြောရတယ်...
နဂိုတည်းက အိမ်ကိုခင်တွယ်တဲ့ ကျွန်တော်...
အခုလို အကြာကြီးခွဲနေရတော့... ဟူးးးးးးးးးးးးးးး
----------------------------------------
အမေ့အိမ်ကို လွမ်းတိုင်း၊ အိမ်ရဲ့ နေရာစုံကို ရိုက်ထားတဲ့ ဓာတ်ပုံတွေ၊ ဗွီဒီယိုတွေနဲ့ အလွမ်းဖြေတတ်တာ ကျွန်တော့်အတွက်တော့ အကျင့်တစ်ခုဖြစ်နေပါပြီ...
ဒီဓာတ်ပုံ၊ ဗွီဒီယိုတွေ ကြည့်ရင်း... စိတ်ကူးတွေနဲ့ အိမ်ရဲ့ နေရာတိုင်းကို ကိုယ်ကိုယ်တိုင် ရောက်သွားပြီး အိမ်မှာ နေပစ်လိုက်တာ... အိုးးးးး ကောင်းမှကောင်း!!!
အဲဒိအချိန် ဘေးမှာ တစ်ယောက်ယောက်ရှိနေလို့ကတော့ "ဒီကောင် တစ်ယောက်တည်း ပြုံးလိုက် ရယ်လိုက်နဲ့၊ အခြေအနေကော ကောင်းရဲ့လား"လို့ ထင်မှာ အသေအချာပဲ။
ဒါပေမယ့်လည်းဗျာ... အလွမ်းတွေကတော့ လျော့မသွားပါဘူး.....
----------------------------------------
တကယ်တော့ ကျွန်တော်ရိုက်ထားတာ အိမ်၁ခုတည်းကိုပဲ ဘယ်ဟုတ်လိမ့်မလဲ...
အမေနဲ့ အများဆုံးသွားလာဖြစ်တဲ့ အိမ်ရဲ့အနီးအနား ပတ်ဝန်းကျင်တွေကိုပါ ရိုက်ထားခဲ့တာပါ။
ဘာလို့လဲဆိုတော့... အဲဒီနေရာတွေက ကျွန်တော်အမေ့ကို လွမ်းတိုင်း၊ အမေ့အိမ်လေးကို သတိရတိုင်း မပါမဖြစ်တဲ့ နေရာတွေမို့လို့ပါပဲ။
မနက်ဆို ကျွန်တော်က အမေ့ဈေးခြင်းတောင်းဆွဲပြီး၊ အမေနဲ့ ဈေးလိုက်နေကြလေ။
ဒါကြောင့် အိမ်ကနေ ဈေးအသွား လမ်းတလျောက်က မြင်ကွင်းတွေကို သေသေချာချာကို ရိုက်ထားခဲ့တာပါ။

ကျွန်တော်က အိမ်မှာ အမေပြီးရင် ဒုတိယအစောဆုံး အိပ်ရာထတဲ့သူပါ။
မနက်ခင်းစောစောတွေကို ကျွန်တော် သိပ်ချစ်တယ်...
(ဆောင်းမနက်ခင်းကိုတော့ အချစ်ဆုံးပဲ)
လတ်ဆတ်တယ်၊ အေးချမ်းတယ်၊ ကျက်သရေလဲ(just my opinion) ရှိတယ်လို့ ခံစားရတယ်...
(စင်ကာပူရောက်မှ အကျင့်ပျက်ကုန်တာ၊ ရုံးကလည်း ၉နာရီခွဲလောက်ရောက်ရင် အိုကေတယ်လေ၊ အဲဒါနဲ့ပဲ..)

အမေဘုရားဝတ်ပြုနေတုန်း ကျွန်တော်က မနက်စာသွားဝယ်၊ ပြီးရင် အမေနဲ့အတူတူစားပြီးမှ ဈေးကို သွားလေ့ရှိတယ်။
အမေကြီးစားနေကျ မနက်စာတွေက...
မုန့်ဟင်းခါး(သို့)ပဲပြုတ်+နံပြား/ပလာတာ/အီကြာကွေး၊
ကျွန်တော့်အကြိုက်ကတော့...
ထမင်းကြော်(သို့)ကြာဇံကြော် (အမေကြီးဆီက ကပ်စားတာလဲ ကျွန်တော့်အကြိုက်ပဲ:P)။
အမေနဲ့ ကျွန်တော့်အတွက် မပါမဖြစ်တဲ့ မနက်စာကတော့ ကော်ဖီပါ။ သားအမိ၂ယောက်စလုံး ကော်ဖီဆို သိပ်ကြိုက်။
အထူးသဖြင့် မနက်ခင်းမှာ သောက်ရတဲ့ ကော်ဖီပူပူကို စွဲစွဲလမ်းလမ်းကို နှစ်ခြိုက်တယ်။

နောက်တစ်ခု ပြောပြရအုံးမယ်။
မနက်စာစားပြီးတဲ့ အချိန်အထိ၊ များသောအားဖြင့်တော့ အိမ်က တခြားဘယ်သူမှ မနိုးကြသေးဘူး။
သားအမိ၂ယောက်တည်းနဲ့ အသက်ဝင်နေတဲ့ အိမ်ရဲ့ မနက်ခင်းအချိန်လေးတွေပေါ့ဗျာ...
တဖက်က အမေ့ဈေးခြင်းတောင်းဆွဲ၊ ကျန်တဲ့တဖက်က အမေ့ပုခုံးကိုဖက်ပြီး မနက်ခင်းအစောပိုင်းလေး သားအမိ၂ယောက် ဈေးသွားခဲ့တာတွေများ ပြန်တွေးလိုက်ရင်... ချက်ချင်း air ticket ဝယ်ပြီး ပြန်သာပြေးချင်တော့တယ်...
----------------------------------------
အမေနဲ့ အဓိကပတ်သတ်နေတဲ့ အိမ်ရဲ့နေရာလေးတွေထဲက နေရာလေး ၂ခု အကြောင်းပြောပြချင်ပါတယ်...ကျွန်တော်ကိုယ်တိုင်လဲ အများဆုံးသတိတရဖြစ်တဲ့ နေရာလေးတွေပေါ့။

၁) အမေ့အတွက် အပင်စိုက်ဖို့ စင်လေးတွေ...
အိမ်ရှေ့ဝရန်တာမှာ အမေပန်းပင်တွေစိုက်ဖို့် ကျွန်တော်ကိုယ်တိုင် သံပန်းသံတံခါးလုပ်တဲ့ သူတွေဆီမှာ စိတ်တိုင်းကျအပ်ပြီး လုပ်ခိုင်းခဲ့တာ။
အမေက အပင်စိုက်တာ တော်တော့်ကို ဝါသနာပါတယ်။ (same here!)
အလှစိုက်တဲ့ပန်းပင်ကော သီးပင်၊ စားပင်တွေကော အို စုံမှစုံပဲ။
(စိုက်လို့ရတာ အကုန်စိုက်တော့ မဟုတ်ဘူးပေါ့လေ)
ဒီပန်းစင်လေးပေါ်မှာတော့ အမေက ပန်းပင်လှလှတွေ၊ အရွက်လှတဲ့အပင်တွေ၊ ရှားစောင်းလပတ်တို့ ကန္တာရပင်တို့လို ဆေးဖက်ဝင်ပြီး လူအတွက်အကျိုးရှိတဲ့ အပင်တွေနဲ့၊ ငရုတ်ပင်ရောင်စုံလေးတွေ စိုက်မယ်တဲ့။

ပန်းပင်တွေကတော့ မြင်တဲ့အတိုင်းပဲလေ၊ စင်ပေါ်က အိုးအသေးလေး ၄လုံးကိုတော့ ငရုတ်စိုက်ဖို့ ရည်ရွယ်ထားပါသတဲ့...
ငရုတ်မျိုးနဲ့ တခြားအပင်တွေက အဲဒိတုန်းကတော့ မရသေးဘူးဗျ၊ အခုတော့ စိုက်ပြီးပြီတဲ့။ ငရုတ်ပင်တွေဆို အသီးတောင်သီးနေပြီလို့ ပြောတယ်။
အိမ်နောက်ဖေး ဝရန်တာမှာလဲ... သစ်သားနဲ့ လုပ်ထားတဲ့ ဖိနပ်စင်လိုမျိုး သုံးဆင့်စင်လေးကိုလဲ အပင်စိုက်ဖို့ပဲ လက်သမားအပ်ထားခဲ့တယ်။ နောက်ဖေးက စင်လေးပေါ်မှာတော့ သံပုရာပင်၊ ပျဉ်းတော်သိမ်း၊ ရှမ်းနံနံ၊ စပါးလင်... အတော်စုံစုံကို စိုက်ထားတာ... နောင်များမှ ဓာတ်ပုံတွေပြမယ်။

တကယ်တော့ ကျွန်တော်က ဒီစင်လေးတွေကို ရည်ရွယ်ချက်နဲ့ အမေ့အတွက် လုပ်ပေးခဲ့တာပါ။
တွေးမိတိုင်း ပီတိဖြစ်မိပါတယ်။
အမေက အသက်ကြီးပြီဆိုတော့ ဘုရား၊ တရားလေးလုပ်၊ ညောင်းညာလာရင် ပန်းပင်လေးတွေအတွက် အချိန်ပေး၊ ဒါဆိုရင်... ကိုယ်လက်လှုပ်ရှားမှုလဲဖြစ်၊ စိတ်လဲ မကောင်းတဲ့ဘက်မပျံ့လွင့်တော့ဘူးလေ။
ရန်ကုန်မှာက များသောအားဖြင့် ရာသီဥတုက ပူတယ်။ အပင်လေးတွေ စိမ်းစိမ်းစိုစိုလေး မြင်နေရရင် အပူသက်သာစေတယ်၊ ဒါ့အပြင် တစ်ချို့အပင်တွေက လူတွေအတွက် အရေးကြီးတဲ့ အောက်ဆီဂျင်ထုတ်ပေးတယ်လေ။
အမေ့အတွက် ကျွန်တော်လုပ်ပေးချင်(လုပ်ပေးခဲ့)တာတွေထဲက ကျွန်တော်အရမ်းနှစ်သက်တဲ့ စင်လေး၂ခုပါပဲ။
အမေကြီး ဒီစာကို ဖတ်ရရင်တော့ ပြုံးပြုံးကြီးနဲ့ "အမေကိုသူက စီမံနေသေးတယ်" ဆိုပြီး ပြောနေမှာ မြင်ယောင်ယင်း... လွမ်းရပြန်ပြီဗျာ...:(
----------------------------------------
၂) သားရဲ့လက်ရာ အမေ့ရဲ့စက်ချုပ်ခန်းလေး.....
(ဆက်ပါဦးမည်...)